Adentrámonos con este libro no mundo do Alén onde Román, o protagonista do libro, percorrerá o submundo a fin de atopar un menú que goste tanto a vivos como a mortos, superando unha serie de probas nas que non falta o humor macabro. Nesta difícil tarefa estará acompañado pola súa particular amiga defunta, Escarlatina. Con esta novela a autora gañou diversos premios: o Premio Merlín de Literatura Infantil 2014 - o Premio Fervenzas Literarias ao Mellor Libro Infantil 2014 - o Premio Fervenzas Literarias á Mellor Portada de LIX 2014 - o Premio Neira Vilas ao mellor libro Infantil e Xuvenil do ano 2014.
